കൊയിലാണ്ടി: പന്തലായനി ബ്ലോക്ക് പഞ്ചായത്ത് കേരളോത്സവത്തിൽ കലാവിഭാഗം മത്സരങ്ങളിൽ ഏറ്റവും കൂടുതൽ പോയൻറ് നേടുന്ന ഗ്രാമപഞ്ചായത്തിന് ചെങ്ങോട്ടുകാവ് ഗ്രാമപഞ്ചായത്തംഗവും സാമുഹ്യ രാഷ്ട്രീയ ജീവകാരുണ്യ രംഗങ്ങളിൽ സക്രിയസാന്നിദ്ധ്യവുമായിരുന്ന പരേതനായ ടി.കെ.മജീദിൻറെ ഓർമ്മയ്ക്കായി കുടുംബം ഏർപ്പെടുത്തിയ ടി.കെ.മജീദ് സ്മാരക റോളിംഗ് കോഫി ബ്ലോക്ക് പഞ്ചായത്തിന്ന് കൈമാറി.
ചെങ്ങോട്ടുകാവ് ഗ്രാമ പഞ്ചായത്ത് പ്രസിഡണ്ട് ഷീബ മലയിലിൻറെ അദ്ധ്യക്ഷതയിൽ കൊയിലാണ്ടി എം.എൽ.എ കാനത്തിൽ ജമീല ചടങ്ങ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് ട്രോഫി ഏറ്റുവാങ്ങി. കുടുംബാംഗങ്ങളായ ടി.കെ.ആലിയും,ടി.കെ.സജ്ജാദും ചേർന്ന് ട്രോഫി കൈമാറി. ചൈത്ര വിജയൻ, പി.വേണു, കെ.അബ്ദുൾഷുക്കൂർ, പി.ചാത്തപ്പൻ, എം.പി.ജമീല, കെ.ദാമോദരൻ, കെ.രാമചന്ദ്രൻ, പ്രിയ ഒരുവമ്മൽ എന്നിവർ പ്രസംഗിച്ചു. കെ.ടി.എം.കോയ സ്വാഗതവും കെ അഭിനിഷ് നന്ദിയും പറഞ്ഞു.
