തിരുവനന്തപുരം എഞ്ചിനീയറിംഗ് കോളേജിലെ വിദ്യാർത്ഥികളുടെ സ്മാർട്ട് ഹെൽമെറ്റ് സാങ്കേതിക വിദ്യയ്ക്ക്  കേന്ദ്ര സർക്കാരിന്റെ പേറ്റന്റ് ലഭിച്ചു

തിരുവനന്തപുരം: തിരുവനന്തപുരം എഞ്ചിനീയറിംഗ് കോളേജിലെ വിദ്യാർത്ഥികളുടെ സ്മാർട്ട് ഹെൽമെറ്റ് സാങ്കേതിക വിദ്യയ്ക്ക്  കേന്ദ്ര സർക്കാരിന്റെ പേറ്റന്റ് ലഭിച്ചു . മോട്ടോർ വെഹിക്കിൾ വിഭാഗത്തിനു മുതൽക്കൂട്ടാകുന്നതാണ് പുതിയ കണ്ടുപിടിത്തം.

തിരുവനന്തപുരം എഞ്ചിനീയറിംഗ് കോളേജിലെ (CET) 2016 ബാച്ച് ഇലക്ട്രോണിക്‌സ് വിഭാഗം വിദ്യാർഥിനികളായിരുന്ന ആതിര രശ്മി എൻ, ആതിര യു വി, ആതിര എ എന്നിവർ ഇപ്പോൾ വയനാട് ഗവ: എഞ്ചിനീയറിംഗ് കോളേജിൽ അസ്സോസിയേറ്റ് പ്രൊഫസർ ആയി ജോലി ചെയ്യുന്ന  ഡോ. ആർ ശിവകുമാറിന്റെ മാർഗനിർദേശപ്രകാരമാണ് ഈ പുതിയ സാങ്കേതിക വിദ്യ  വികസിപ്പിച്ചെടുത്തത്.