കടമെടുപ്പ് പരിധി സംബന്ധിച്ച വിഷയത്തിൽ കേന്ദ്ര സർക്കാരുമായി കേരളം നടത്തിയ ചർച്ച പരാജയം

തിരുവനന്തപുരം: കടമെടുപ്പ് പരിധി സംബന്ധിച്ച വിഷയത്തിൽ കേന്ദ്രസർക്കാരുമായി കേരളം നടത്തിയ ചർച്ച പരാജയം. ചര്‍ച്ചയിൽ വിചാരിച്ച പുരോഗതിയില്ലെന്ന് ധനമന്ത്രി കെ എൻ ബാലഗോപാൽ അറിയിച്ചു.  കേന്ദ്രസർക്കാരിനെതിരേ കേരളം നൽകിയ ഹർജിയുടെ അടിസ്ഥാനത്തിൽ സുപ്രീംകോടതി നിർദേശിച്ചതിനെത്തുടർന്നായിരുന്നു ചർച്ച.

കേരളത്തെ പ്രതിനിധാനം ചെയ്ത് ധന മന്ത്രി ബാലഗോപാലിനെക്കൂടാതെ മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി ഡോ. കെ എം എബ്രഹാം, ധനവകുപ്പ് പ്രിൻസിപ്പൽ സെക്രട്ടറി രബീന്ദ്രകുമാർ അഗർവാൾ, കേരള അഡ്വക്കെറ്റ് ജനറൽ ഗോപാലകൃഷ്ണ കുറുപ്പ് എന്നിവരാണ് പങ്കെടുത്തത്.