തിരുവനന്തപുരം: സംസ്ഥാന സ്കൂൾ കലോത്സവ ഉദ്ഘാടന വേദിയിൽ വിശിഷ്ട അതിഥികൾക്ക് നൽകാനുള്ള പുസ്തകങ്ങൾ മൺമറഞ്ഞ കലാസാഹിത്യ നായകന്മാരുടെ വീടുകളിൽ നിന്നും സ്വീകരിക്കുന്ന പരിപാടിക്ക് കൊല്ലത്ത് തുടക്കമായി. ‘പുസ്തകവണ്ടി’ എന്ന് പേരിട്ടിരിക്കുന്ന പരിപാടി ധനകാര്യവകുപ്പ് മന്ത്രി കെ എൻ ബാലഗോപാൽ ഉദ്‌ഘാടനം നിർവഹിച്ചു.
വെളിയം കുടവട്ടൂരിലുള്ള ഭരത് മുരളിയുടെ വീട്ടിൽ വച്ച് ഭാര്യ ഷൈലജയിൽ നിന്ന് പുസ്തകം സ്വീകരിച്ചു കൊണ്ടാണ് മന്ത്രി പുസ്തക വണ്ടിയുടെ ഔദ്യോഗിക ഉദ്‌ഘാടനം നിർവഹിച്ചത്. വെളിയം ഗ്രാമ പഞ്ചായത്ത് പ്രസിഡന്റ് ആർ പ്രശാന്ത് അധ്യക്ഷനായിരുന്നു. സ്വീകരണ കമ്മിറ്റി കൺവീനർ കെ എസ് ഷിജുകുമാർ വൈസ് പ്രസിഡന്റ് ജയാ രഘുനാഥ് തുടങ്ങിയവർ പങ്കെടുത്തു.
Comments
