പൂക്കാട്: ഇനിയും സഹിക്കണോ കേന്ദ്ര അവഗണന എന്ന മുദ്രാവാക്യം ഉയർത്തി ഡി വൈ എഫ് ഐ സംഘടിപ്പിക്കുന്ന മനുഷ്യചങ്ങലയുടെ പ്രചാരണർത്ഥം ഡി വൈ എഫ് ഐ ചേമഞ്ചേരി മേഖലാ കമ്മിറ്റി ജില്ലാതല ബി ക്ലാസ് വടംവലി മത്സരം സംഘടിപ്പിച്ചു.
ഡിവൈഎഫ്ഐ കോഴിക്കോട് ജില്ലാ സെക്രട്ടേറിയറ്റ് അംഗം ബിപി ബബീഷ് ഉദ്ഘാടനം നിർവഹിച്ചു. മൺമറഞ്ഞുപോയ സ. വെളുത്തടത്ത് ബാലൻ നായരെ കെ കുഞ്ഞിരാമൻ മാസ്റ്റർ അനുസ്മരിച്ചു. ജില്ലയിലെ വിവിധ ഭാഗങ്ങളിൽ നിന്നായി 16 ടീമുകൾ മത്സരത്തിൽ പങ്കെടുത്തു. ഗ്രാന്മ പുതിയാപ്പ വിജയികളായി. Y2K നരിക്കുനി രണ്ടാം സ്ഥാനം കരസ്ഥമാക്കി. വിജയികൾക്ക് ഡിവൈഎഫ്ഐ ബ്ലോക്ക് ജോയിൻ സെക്രട്ടറി സി ബിജോയ്, ചേമഞ്ചേരി മേഖലാ പ്രസിഡണ്ട് വി കെ വിപിൻദാസ്, ട്രഷറർ വി എം ശരത് എന്നിവർ സമ്മാനങ്ങൾ കൈമാറി.
Comments
