തിരുവനന്തപുരം: എകെജി സെന്റര് ആക്രമണ കേസില് പ്രതി പിടിയില്. തിരുവനന്തപുരം മണ്വിള സ്വദേശിയായ യൂത്ത് കോണ്ഗ്രസ് നേതാവ് ജിതിനെയാണ് ക്രൈംബ്രാഞ്ച് കസ്റ്റഡിയിലെടുത്തത്.
ആറ്റിപ്ര യൂത്ത് കോണ്ഗ്രസ് മണ്ഡലം പ്രസിഡന്റാണ് പിടിയിലായ ജിതിന്. ഇയാളെ കവടിയാറില് ക്രൈംബ്രാഞ്ച് ഓഫീസില് ചോദ്യം ചെയ്ത് വരുകയാണ്. ഏറെ വിവാദമായ കേസില് രണ്ട് മാസത്തിലേറെ നീണ്ട അന്വേഷണത്തിനൊടുവിലാണ് കേസിലെ പ്രതിയെ പോലീസ് പിടികൂടിയത്.
ദിവസങ്ങളായി ക്രൈംബ്രാഞ്ച് ഇയാളെ നിരീക്ഷിച്ചുവരികയായിരുന്നു. കോളേജുകള് കേന്ദ്രീകരിച്ച് നടത്തിയ പരിശോധനയിലാണ് ജിതിനെക്കുറിച്ച് ക്രൈംബ്രാഞ്ചിന് വിവരം ലഭിച്ചത്.