കൊച്ചി:കെ എസ് ആര്‍ ടിസിയില്‍ ശമ്പളം അനിശ്ചിതമായി വൈകുന്നതില്‍ കടുത്ത പരാമര്‍ശവുമായി ഹൈക്കോടതി. ഇനിയും ശമ്പളം അനിശ്ചിതമായി വൈകിപ്പിച്ചാൽ സി എം ഡി ക്കെതിരെ നടപടിയെടുക്കേണ്ടി വരുമെന്ന് ഹൈക്കോടതി മുന്നറിയിപ്പ് നല്‍കി.
ജീവനക്കാർക്ക് ജൂലൈ മാസത്തെ ശമ്പളം ഈ മാസം 10 നകം കൊടുക്കണമെന്ന് ഹൈക്കോടതി ഉത്തരവുണ്ടായിരുന്നു. എന്നാല്‍ ഇന്ന് ഹരജി പരിഗണിക്കവെ ശമ്പളം നല്‍കിയിട്ടില്ലെന്ന കാര്യം ജീവനക്കാര്‍ കോടതിയെ അറിയിച്ചു. ഇതിനു പിന്നാലെയാണ് സി എം ഡിക്കെതിരെ കോടതിയലക്ഷ്യ നടപടി സ്വീകരിക്കേണ്ടിവരുമെന്ന് കോടതി മുന്നറിപ്പ് നല്‍കിയത്.
ജീവനക്കാരുടെ ശമ്പളം നല്‍കുന്നതിന് പ്രഥമ പരിഗണന നല്‍കണമെന്നും കോടതി വാക്കാല്‍ പറയുകയുണ്ടായി. അതേസമയം, എട്ട് കോടിയെങ്കിലും ഒരു ദിവസം വരുമാനം ലഭിച്ചാല്‍ കാര്യങ്ങള്‍ കുഴപ്പമില്ലാതെ മുമ്പോട്ട് പോകുമെന്നാണ് കെ എസ് ആര്‍ ടിസി കോടതിയെ അറിയിച്ചത്.
