കെ എസ് ടി എ കൊയിലാണ്ടി നിർമ്മിച്ച ‘കുട്ടിക്കൊരു വീട്’ താക്കോൽ കൈമാറ്റം ഡിസം 12 ന് നടത്തും

കൊയിലാണ്ടി : കെ എസ് ടി എ സംസ്ഥാന കമ്മിറ്റി നിർദേശപ്രകാരം സബ്ജില്ലകൾ ഏറ്റെടുത്ത ‘കുട്ടിക്കൊരു വീട്’ നിർമാണം കൊയിലാണ്ടിയിൽ പൂർത്തിയായി. വീടിന്റെ താക്കോൽ കൈമാറ്റം ഡിസംബർ 12 തിങ്കളാഴ്ച വൈകീട്ട് 4.30 ന് പി മോഹനൻ മാസ്റ്റർ നിർവഹിക്കും.

കാഞ്ഞിലശ്ശേരി വാളാർ കുന്നിലാണ് കെ എസ് ടി എ കൊയിലാണ്ടിയുടെ നേതൃത്വത്തിൽ വീട് നിർമ്മിച്ചത്. സാമ്പത്തികമായി പിന്നോക്കം നിൽക്കുന്ന വാസയോഗ്യമല്ലാത്ത വീടുള്ള കുടുംബങ്ങളെ പരിഗണിച്ച് തെരഞ്ഞെടുക്കപ്പെട്ട കുടുംബത്തിനാണ് വീട് നൽകുന്നത്.സബ്ജില്ലയിലെ അധ്യാപകർ, പൂർവ്വ അധ്യാപകർ എന്നിവരിൽ നിന്നുള്ള ധനസമാഹരണത്തിലൂടെയാണ് നിർമ്മാണ പ്രവർത്തനം നടത്തിയത്.

പത്ര സമ്മേളനത്തിൽ സംഘാടക സമിതി ജനറൽ കൺവീനർ ഡി.കെ.ബിജു, സബ്ജില്ല സെക്രട്ടറി ഉണ്ണികൃഷ്ണൻ സി ,ട്രഷറർ രാജഗോപാലൻ എൻ.കെ. എന്നിവർ പങ്കെടുത്തു.