കെ-റെയിലിനെ കെ എസ് ആര്‍ ടി സിയുടെ കണ്‍സല്‍ട്ടന്‍സിയായി നിയമിക്കാന്‍ ധാരണയായി
സില്‍വര്‍ലൈന്‍ പദ്ധതി താല്‍കാലികമായി നിര്‍ത്തിവെച്ച സാഹചര്യത്തിൽ കെ എസ് ആര്‍ ടി സിയുടെ കണ്‍സല്‍ട്ടന്‍സിയായി കേരള റെയില്‍ ഡെവലപ്പ്‌മെന്റ് കോര്‍പ്പറേഷന്‍ ലിമിറ്റഡിന് (കെ-റെയില്‍) നെ നിയമിക്കാന്‍ ധാരണയായി.
കഴിഞ്ഞ ദിവസം ചേര്‍ന്ന കെഎസ്ആര്‍ടിസി ബോര്‍ഡ് യോഗമാണ് കണ്‍സല്‍ട്ടന്റായി കെ-റെയിലിനെ ചുമതലപ്പെടുത്താന്‍ തീരുമാനിച്ചത്. പിന്നാലെ കെ-റെയില്‍ ഉദ്യോഗസ്ഥര്‍ കെഎസ്ആര്‍ടിസിയുടെ പദ്ധതി പ്രദേശങ്ങള്‍ സന്ദര്‍ശിച്ചു. ഡിപ്പോ പുതുക്കിപ്പണിയാന്‍ ആലോചിക്കുന്ന ചെങ്ങന്നൂരിലും മലപ്പുറത്തും കെറെയില്‍ ഉദ്യോഗസ്ഥര്‍ സന്ദര്‍ശനം നടത്തി.
കെഎസ്ആര്‍ടിസിയുടെ പുതിയ പദ്ധതികള്‍ ലാഭത്തിലാക്കുന്നതിന് ആവശ്യമായ നിര്‍ദേശങ്ങള്‍ നല്‍കുകയാണ് കെ-റെയിലിന്റെ ചുമതല. നിലവില്‍ എച്ച്എല്‍എലും കെഎസ്ആര്‍ടിസിയുടെ കണ്‍സള്‍ട്ടന്റാണ്.
Comments