കൊല്ലം എൽ പി സ്കൂൾ (ശ്രീ പിഷാരികാവ് ദേവസ്വം) 148ാം വാർഷികം (സർഗോത്സവം) ആചരിച്ചു. പരിപാടിയുടെ ഉദ്ഘാടനം ഷിജു കെ (ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ, കൊയിലാണ്ടി) നിർവഹിച്ചു. ഫക്രുദ്ദീൻ മാസ്റ്റർ (വാർഡ് കൌൺസിലർ) അദ്ധ്യക്ഷം വഹിച്ചു. ശ്രീജിത്ത് വിയ്യൂർ (മജീഷ്യൻ, അദ്ധ്യാപകൻ) മുഖ്യാതിഥിയായ ചടങ്ങിൽ ബിജു കാവിൽ മുഖ്യപ്രഭാഷണം നടത്തി. സുമേഷ് കോരങ്കണ്ടി ആശംസകൾ നേർന്ന് സംസാരിച്ചു. പി ടി എ പ്രസിഡണ്ട് ഷാജി നന്ദിയും രേഖപ്പെടുത്തി.
വാർഷികാഘോഷത്തോടനുബന്ധിച്ച് ഘോഷയാത്ര, വിജയോത്സവം, എൻഡോവ്മെന്റ് വിതരണം എന്നീ പരിപാടികളും നടത്തി
വാർഷികാഘോഷത്തിന്റെ ഭാഗമായി വിവിധ മേഖലകളിൽ അഭിമാനകരമായ നേട്ടങ്ങൾ കൈവരിച്ച വിദ്യാർത്ഥികളെ വിജയോത്സവം പരിപാടിയിലൂടെ ആദരിച്ചു. അറിവിന്റെ അക്ഷരമുറ്റത്ത് കുരുന്ന് പ്രതിഭകളും രക്ഷിതാക്കളും അധ്യാപകരും സംഗമിച്ച് നടന വിസ്മയങ്ങൾ ഒരുക്കി.
എൽ എസ് എസ്, സബ്ജില്ലാ മേള, അൽ മാഹിർ, എൽ കെ ജി, യു കെ ജി സ്കോളർഷിപ്പ് വിജയികൾക്കുള്ള അനുമോദനവും മികച്ച വിദ്യാർത്ഥിക്ക് ശ്രീ. രാഘവൻ മാസ്റ്റർ പുരസ്കാരവും എൻഡോവ്മെന്റ് വിതരണവും സ്കൂൾ മാനേജർ ജഗദീഷ് പ്രസാദ് നിർവഹിച്ചു.
