കോഴിക്കോട് മായനാട്ടുനിന്ന് മോഷണംപോയ ബൈക്ക് ചുരത്തിൽ 9ാം വളവിനു താഴെ കൊക്കയിൽ ഉപേക്ഷിക്കപ്പെട്ട നിലയിൽ കണ്ടെത്തി. മായനാട് മേലെതിരുത്തിയിൽ എം.ടി.ഹബീബിന്റെ ബൈക്ക് കഴിഞ്ഞ 11നു രാത്രിയാണ് മോഷണം പോയത്. ബൈക്ക് വീടിനടത്ത് റോഡരുകിൽ വച്ച് സുഹൃത്തിനോടൊപ്പം രോഗിയെ മെഡിക്കൽ കോളജ് ആശുപത്രിയിൽ എത്തിച്ചുവരുന്നതിനിടയിലാണ് മോഷണം പോയത്. ഹബീബിന്റെ പരാതി പ്രകാരം മെഡിക്കൽ കോളജ് പൊലീസ് കേസ് എടുത്തിരുന്നു.
ചുരം സംരക്ഷണ സമിതി പ്രവർത്തകർ നടത്തിയ അന്വേഷണത്തിലാണ് ബൈക്ക് ഉടമയെ തിരിച്ചറിഞ്ഞത്. മോഷ്ടിച്ചു കൊണ്ടുപോയ ബൈക്ക് ചുരത്തിൽ അപകടത്തിൽ പെട്ട് ഉപേക്ഷിച്ചതാണെന്നു കരുതുന്നു. ഹൈവേ പൊലീസിന്റെ നേതൃത്വത്തിൽ കൊക്കയിൽ നിന്ന് ക്രെയിൻ ഉപയോഗിച്ച് പുറത്തെടുത്ത ബൈക്ക് അടിവാരം പൊലീസ് ഔട്ട്പോസ്റ്റിൽ എത്തിച്ചു
Comments
