പേരാമ്പ്ര: കടിയങ്ങാട് പെട്രോൾ പമ്പിനടുത്താണ് ലോറി കുഴിയിലേക്ക് മറിഞ്ഞത്. ആളപായമില്ല. കുറ്റ്യാടി പേരാമ്പ്ര സംസ്ഥാന പാതയിൽ കടിയങ്ങാട് സർവ്വീസ് സ്റ്റേഷന് സമീപമാണ് അപകടം. ചെമ്പനോടയിൽ നിന്നും പെരുമ്പാവൂരിലേക്ക് തടി കയറ്റി പോവുകയായിരുന്ന കെ എൽ 21 ഡി 1510 മിന്നൂസ് ലോറിയാണ് മണ്ണിൽ താഴ്ന്ന് മറിഞ്ഞത്. പാതയോരത്ത് ജലജീവൻ കുടിവെള്ള പദ്ധതിയുടെ പൈപ്പിടുന്നതിനായ് എടുത്ത വലിയ ചാലിലേക്ക് ലോറി മറിയുകയായിരുന്നു.
വെള്ളിയാഴ്ച വൈകുന്നേരമാണ് സംഭവം. ഡ്രൈവറും ക്ലീനറും പരിക്കുകളില്ലാതെ രക്ഷപ്പെട്ടു. പേരാമ്പ്ര ഫയർ സ്റ്റേഷനിലെ അസിസ്റ്റന്റ് സ്റ്റേഷൻ ഓഫീസർ ടി വിനോദിന്റെ നേതൃത്വത്തിലുള്ള സംഘം സ്ഥലത്തെത്തി നാട്ടുകാർക്കൊപ്പം രക്ഷാപ്രവർത്തനത്തിലേർപ്പെട്ടു
Comments
