പൊയിൽക്കാവ് ദേശീയ പാതയിൽ ചേമഞ്ചേരി സ്റ്റേഷന് വടക്കുഭാഗത്ത് ടാങ്കർ ലോറിയിൽ കക്കൂസ് മാലിന്യം തള്ളി
പൊയിൽക്കാവ് ദേശീയ പാതയിൽ ചേമഞ്ചേരി സ്റ്റേഷന് വടക്കുഭാഗത്ത് ചെറാടക്കുനി ജനവാസ പ്രദേശത്ത് ടാങ്കർ ലോറിയിൽ കക്കുസ് മാലിന്യം നിക്ഷേപിച്ച് പ്രദേശത്താകെ ദുർഗന്ധം പരന്നു. സമീപ പ്രദേശങ്ങളിലെ കുടിവെള്ളങ്ങളിൽ മാലിന്യം കലരുമെന്ന ഭീതിയിലാണ് സമീപവാസികൾ. വലിയ ഹോട്ടലുകളിൽ നിന്നും ആശുപത്രികളിൽ നിന്നും കരാർ അടിസ്ഥാനത്തിൽ മാലിന്യം ശേഖരിക്കുന്നവർ പലപ്പോഴും ശാസ്ത്രീയമായി സംസ്ക്കരിക്കാതെ വഴിയരികിൽ തള്ളുന്നത് പതിവാണ്. മാസങ്ങൾക്ക് മുമ്പ് പൊയിൽക്കാവ് അങ്ങാടിക്കു സമീപം ഇതേ പോലെ നിക്ഷേപിച്ചിരുന്നു.
ൺ
ഗ്രാമ പഞ്ചായത്തും ഹെൽത്ത് വിഭാഗവും പോലീസിൽ പരാതി നൽകിയെങ്കിലും ഇത്തരം ഏജൻസികളെക്കുറിച്ച് അന്വേഷിക്കുകയോ രാത്രി സമയത്ത് ഇത്തരം വാഹനം റോഡരികിൽ നിർത്തുന്നത് കണ്ടാൽ അന്വേഷിക്കുകയോ ചെയ്യാത്തതാണ് വീണ്ടും വീണ്ടും ഇത് ആവർത്തിക്കുന്നത് ‘വാർഡ് മെമ്പറും പൊതു പ്രവർത്തകരും മാധ്യമ പ്രവർത്തകരേയും ബന്ധപ്പെട്ട അധികാരികളേയും വിവരം ധരിപ്പിച്ച് അടിയന്തര നടപടി ആവശ്യപ്പെട്ടു.
