മാറുന്ന കാലഘട്ടത്തിൽ നമ്മുടെ കൺവെട്ടത്ത് പോലും മക്ക ൾ സുരക്ഷിതരല്ലെന്നും കണ്ണിലെ കൃഷ്ണമണി പോലെ അവരെ പൊതു സമൂഹവും അധ്യാപകരും, രക്ഷിതാക്കളും സംരക്ഷിക്കേണ്ടതുണ്ടെന്നും മേപ്പയ്യൂർ ഗ്രാമപഞ്ചായത്ത് പ്രസിഡണ്ട് കെ.ടി.രാജൻ
മാറുന്ന കാലഘട്ടത്തിൽ നമ്മുടെ കൺവെട്ടത്ത് പോലും മക്ക ൾ സുരക്ഷിതരല്ലെന്നും കണ്ണിലെ കൃഷ്ണമണി പോലെ അവരെ പൊതു സമൂഹവും അധ്യാപകരും, രക്ഷിതാക്കളും സംരക്ഷിക്കേണ്ടതുണ്ടെന്നും മേപ്പയ്യൂർ ഗ്രാമപഞ്ചായത്ത് പ്രസിഡണ്ട് കെ.ടി.രാജൻ പറഞ്ഞു. പി.ടി.എ പ്രസിഡൻ്റ് ശശീന്ദ്രൻ പുളിയത്തിങ്കൽ അധ്യക്ഷത വഹിച്ച ചടങ്ങിൽ ഗ്രാമ പഞ്ചായത്ത് മെമ്പർ സി.പി.അനീഷ് കുമാർ മുഖ്യപ്രഭാഷണം നടത്തി. ഹെഡ്മാസ്റ്റർ പി.ജി.രാജീവ് സ്വാഗതം പറഞ്ഞു. സി.എം.ജനാർദ്ദനൻ , കെ.എം.അസീസ് , കെ.ഗീത , കെ.ടി.പ്രഭ , പി.ടി.എ വൈസ് പ്രസിഡൻ്റ് സിറാജ് മാവട്ട് തുടങ്ങിയവർ സംസാരിച്ചു അറിയപ്പെടുന്ന നാടക നടനും സംവിധായകനുമായ കലേഷ് തനത് പരിപാടിയായ ‘തേൻ മലയാളം’ കുട്ടികൾക്കുള്ള പOന ക്ലാസ്സ് നടത്തി, കരാട്ടെ അധ്യാപകരായ ഡോ: വിജയൻ്റെയും, അഭിരാജിൻ്റെയും, മോഹനൻ ചാലക്കലിൻ്റെയും ക്ലാസ്സുകളും, പൂർവ്വ വിദ്യാർത്ഥി ശലഭ കോട്ടക്കലിൻ്റെ നേതൃത്വത്തിൽ കരാട്ടെ ഡമോൺസ്ട്രേഷനും, നടന്നു. സൽമാൻ വടകരയുടെ ഗാനവും, കാസിം മാവട്ടിൻ്റെ കവിതയും ശ്രദ്ധേയമായിരുന്നു. ഉപജില്ലാ വിദ്യാഭ്യാസ ഓഫീസർ വിനോദ് പഞ്ചായത്ത്, സബ്ബ് ജില്ലാ, ജില്ലാ മേളകളിൽ കഴിവ് തെളിയിച്ച പ്രതിഭകളെയും, SSLC, +2 ഉന്നത വിജയികളെയും, ഉന്നത വിദ്യാദ്യാസ രംഗത്ത് നേട്ടങ്ങൾ കൈവരിച്ച പൂർവ്വ വിദ്യാർത്ഥികളേയും അനുമോദിച്ചു. തൻ്റെ വിദ്യാലയ കാലഘട്ടത്തിലെ കലാരംഗത്തെ അനുഭവങ്ങളെക്കുറിച്ചും വിദ്യാർത്ഥികളുടെ ഉയർച്ചയിൽ വിദ്യാഭ്യാസസ്ഥാപനങ്ങളും, രക്ഷിതാക്കളും വഹിക്കേണ്ട പങ്കും അദ്ദേഹം വിശദീകരിച്ചു . പി.അനിൽകുമാർ മാസ്റ്റർ കുട്ടികളുമായി പാട്ടിലൂടെയും കഥകളിലൂടെയും സംവദിച്ചു, തുടർന്ന് പ്രശസ്ത മോട്ടിവേറ്ററും ട്രയിനറുമായ ഡോ: ഇസ്മയിൽ മരുതേരി രക്ഷിതാക്കളുമായി സംവദിച്ചു. മാറുന്ന ലോകത്തിലുണ്ടാവുന്നമാറ്റങ്ങൾ വിദ്യാർത്ഥികൾക്ക് മാത്രമല്ല പൊതു സമൂഹത്തിനും ഒട്ടേറെ പാഠങ്ങൾ പകർന്നു നൽകുന്നതായി അദ്ദേഹം പറഞ്ഞു.മികച്ച പാരൻ്റിംഗ് എങ്ങനെയായിരിക്കണമെന്ന വസ്തുത കഥകളിലൂടെയും രസകരമായ ആശയ വിനിമയത്തിലൂടെയും അദ്ദേഹം ഒരോ രക്ഷിതാവിനും പകർന്നു നൽകി എം.പി.ടി.എ ചെയർപേഴ്സൺ നീതു ചാമക്കണ്ടി നന്ദി പറഞ്ഞ പ0ന ശിൽപ്പശാലയും അനുമോദന ചടങ്ങും രാത്രി 8 മണിക്കാണ് അവസാനിപ്പിച്ചത്. ഏറെക്കുറെ മുഴുവൻ രക്ഷിതാക്കളുടെയും വിദ്യാർത്ഥികളുടെയും പങ്കാളിത്തം കൊണ്ട് പരിപാടി വൻവിജയമായിരുന്നു
