കറുത്ത വസ്ത്രങ്ങൾ ധരിച്ചാണ് പ്രവർത്തകർ കൂടുതലും എത്തിയത്. പ്രവർത്തകർക്കുമേൽ പൊലീസ് നിരവധി തവണ ജല പീരങ്കി ഉപയോഗിച്ചു. കൊച്ചിയിലും യൂത്ത് കോൺഗ്രസ് പ്രവർത്തകരുടെ നേതൃത്വത്തിൽ മുഖ്യമന്ത്രിക്കെതിരെയുള്ള പ്രതിഷേധം തുടരുകയാണ്. കമ്മീഷ്ണർ ഓഫീസിലേക്ക് നടത്തിയ മാർച്ചിൽ പൊലീസ് പ്രവർത്തകർക്കുമേൽ ജലപീരങ്കി പ്രയോഗിച്ചു. കമ്മീഷ്ണർ ഓഫീസിലേക്ക് എത്തുന്നതിന് മുൻപ് പൊലീസ് ബാരിക്കേഡ് വെച്ച് പ്രവർത്തകരെ തടഞ്ഞു. മുഖ്യമന്ത്രിയുടെ ലുക്ക്ഔട്ട് നോട്ടീസുമായാണ് പ്രവർത്തകർ എത്തിച്ചേർന്നത്. തിരുവനന്തപുരത്ത് കറുത്ത വസ്ത്രം ധരിച്ച് എത്തിയ മഹിളാ മോർച്ച പ്രവർത്തകർ സെക്രട്ടറേറിയറ്റിലേക്ക് ചാണകവെളളം ഒഴിച്ചു. പ്രവർത്തകർക്ക് നേരെ പലയിടങ്ങളിലും പൊലീസ് ജലപീരങ്കി പ്രയോഗിച്ചു.
Comments
