ആരോഗ്യ മന്ത്രിയായിരുന്ന കെ.കെ ശൈലജയ്ക്ക് അന്താരാഷ്ട്ര പുരസ്കാരം. സെന്‍ട്രല്‍ യൂറോപ്യന്‍ യൂണിവേഴ്‌സിറ്റിയുടെ ഓപ്പണ്‍ സൊസൈറ്റി പുരസ്‌കാരമാണ് പുതിയതായി ഇവരെ തേടി എത്തിയത്. പൊതുപ്രവര്‍ത്തക എന്ന നിലയിലും പൊതുജനാരോഗ്യത്തിനായുള്ള സേവനങ്ങള്‍ക്കുമുള്ള ആദരമാണ് പുരസ്‌കാരമെന്ന് സംഘാടകര്‍ വ്യക്തമാക്കി. പൊതു പ്രവര്‍ത്തനത്തിലേക്കിറങ്ങാന്‍ യുവതികള്‍ക്ക് പ്രചോദനം നല്‍കുന്ന വ്യക്തിത്വാണ് ശൈലജ ടീച്ചറുടേതെന്ന് പുരസ്‌കാര സമിതി വിലയിരുത്തി.
തത്ത്വചിന്താ രംഗത്തെ അതികായനായ കാള്‍ പോപ്പര്‍, യു.എന്‍ സെക്രട്ടറി ജനറല്‍ കോഫി അന്നന്‍, ചെക് പ്രസിഡണ്ടും നാടകകൃത്തുമായ വക്ലാവ് ഹാവല്‍ , സാമ്പത്തിക ചിന്തകന്‍ ജോസഫ് സ്റ്റിഗ്ലിറ്റ്‌സ് തുടങ്ങിയവർക്കാണ് ഈ പുരസ്ക്കാരം നേരത്തെ ലഭിച്ചിട്ടുള്ളത്.
Comments
