കൂരാച്ചുണ്ട് ∙ പഞ്ചായത്തിൽ മൂന്നാം വാർഡിലെ പൂവത്തുംചോല മണ്ടോപ്പാറ മേഖലയിൽ കാട്ടാനക്കൂട്ടം കൃഷി നശിപ്പിച്ചു. കക്കയം ചെറുപുഴ വനമേഖലയിൽ നിന്നു പെരുവണ്ണാമൂഴി റിസർവോയർ നീന്തിയാണ് കാട്ടാനക്കൂട്ടം എത്തിയത്.മഠത്തിക്കുളങ്ങര ഗോപാലന്റെ വാഴക്കൃഷി നശിപ്പിച്ചു. ഒറ്റപ്ലാക്കൽ റെജിയുടെ തെങ്ങ് നശിപ്പിച്ചു.
ഒട്ടേറെ കൃഷിയിടങ്ങളിൽ ഇറങ്ങിയ ആനക്കൂട്ടം ചക്ക വ്യാപകമായി തിന്നു. കക്കയം ഫോറസ്റ്റ് സ്റ്റേഷൻ അധികൃതർ സ്ഥലം സന്ദർശിച്ചു. ആനയെ ഓടിക്കുന്നതിനു പടക്കം നൽകുമെന്ന് വനം വകുപ്പ് ഉദ്യോഗസ്ഥർ അറിയിച്ചെങ്കിലും എത്തിച്ചിട്ടില്ലെന്നു നാട്ടുകാർ പറയുന്നു.മണ്ടോപ്പാറ മേഖലയിൽ രാത്രി കാട്ടാനക്കൂട്ടം ഇറങ്ങുന്നതിനാൽ ജനങ്ങൾ ഭീതിയിലാണ്. വനം വകുപ്പ് പ്രശ്നപരിഹാരത്തിന് അടിയന്തര നടപടിയെടുക്കണമെന്ന് നാട്ടുകാർ ആവശ്യപ്പെട്ടു.
Comments
