കൊല്ലം അഞ്ചാലുംമൂട്ടില്‍ കുടുംബവഴക്കിനിടെ ഗൃഹനാഥന്‍ മരിച്ചത് തലയ്ക്കു ക്ഷതമേറ്റാണെന്ന് സ്ഥിരീകരിക്കുന്ന പോസ്റ്റ്മോര്‍ട്ടം റിപ്പോര്‍ട്ട് പുറത്ത് . രണ്ടുമരുമക്കളെ പോലീസ് കസ്റ്റഡിയിലെടുത്തു. കൊല്ലം കാവനാട് സെന്റ് ജോസഫ് ഐലന്‍ഡ് രേഷ്മാഭവനില്‍ ജോസഫാ(50)ണ് മരിച്ചത്.
മൃതദേഹം ജില്ലാ ആശുപത്രിയിലെ മോര്‍ച്ചറിയിലെത്തിച്ചു. അഞ്ചാലുംമൂട് പോലീസ് കേസെടുത്തു. ഞായറാഴ്ച തിരുവനന്തപുരം മെഡിക്കല്‍ കോളേജ് ആശുപത്രിയില്‍ നടത്തിയ മൃതദേഹപരിശോധനയിലാണ് തലയ്ക്കേറ്റ ക്ഷതമാണ് മരണകാരണമെന്നു കണ്ടെത്തിയത്.
തുടന്ന് സംഭവത്തില്‍ ഉള്‍പ്പെട്ട മരുമക്കളായ കാവനാട് മഠത്തില്‍ കായല്‍വാരത്ത് പ്രവീണ്‍ഭവനില്‍ പ്രവീണ്‍ (29), സെന്റ് ജോര്‍ജ് ഐലന്‍ഡ് കാവനാട് ആന്റണി (27) എന്നിവരെ പോലീസ് കസ്റ്റഡിയിലെടുത്തു. സംഭവം സംബന്ധിച്ച് വിശദമായി അന്വേഷിച്ച് തുടര്‍നടപടിയെടുക്കുമെന്ന് അഞ്ചാലുംമൂട് എസ് എച്ച് ഒയായ സി ദേവരാജന്‍ പറഞ്ഞു.
Comments
