കൊയിലാണ്ടി പെരുവട്ടൂരിൽ 16ാം വാർഡ് കക്കാട് വീട്ടിൽ ലക്ഷ്മി വീട്ടുമുറ്റത്തുള്ള കിണറ്റിൽ വീണു മരിച്ചു. എഴുപത്തിയൊന്ന് വയസ്സായിരുന്നു. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന സ്ഥലത്തെത്തുകയും ഫയർ ആൻഡ് റെസ്ക്യൂ ഓഫീസർ അനൂപ് കിണറ്റിൽ ഇറങ്ങി സേനാംഗങ്ങളുടെ സഹായത്തോടുകൂടി റെസ്ക്യു നെറ്റ് ഉപയോഗിച്ച് കരക്കെത്തിക്കുകയും ചെയ്തു.
അതിനുശേഷം കൊയിലാണ്ടി താലൂക്ക് ഹോസ്പിറ്റലിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു. സ്റ്റേഷൻ ഓഫീസർ സിപി ആനന്ദൻ,സീനിയർ ഫയർ ആൻഡ് റെസ്ക്യൂ ഓഫീസർ റഫീഖ് കെ ടി, ഫയർ ആൻഡ് റെസ്ക്യൂ ഓഫീസർമാരായ ഹേമന്ത് ബി,ഇർഷാദ്,നിധി പ്രസാദ് ഇ എം,റിനീഷ് പി കെ,നിതിൻരാജ്,ഹോംഗാര്‍ഡ് സുജിത്ത് എന്നിവർ രക്ഷാപ്രവർത്തനത്തിൽ ഏർപ്പെട്ടു.
Comments
