കണ്ണുകളുടെ ആരോഗ്യം നിലനിര്‍ത്തുന്നതിന് നല്ല ഭക്ഷണക്രമം അത്യാവശ്യമാണ്. കണ്ണുകളുടെ ആരോഗ്യത്തിന് ആവശ്യമായ വിറ്റാമിനുകളും ധാതുക്കളും അടങ്ങിയ പച്ചക്കറികള്‍ ഡയറ്റില്‍ ഉള്‍പ്പെടുത്തേണ്ടത് പ്രധാനമാണ്.
കാരറ്റില്‍ ധാരാളം ബീറ്റാകരോട്ടിന് അടങ്ങിയിട്ടുണ്ട്. ബീറ്റാകരോട്ടിന് കണ്ണുകളുടെ കാഴ്ചശക്തി വര്‍ദ്ധിപ്പിക്കുന്നതിനും കണ്ണിലെ റെറ്റിനയെ സംരക്ഷിക്കുന്നതിനും സഹായിക്കുന്നു. ബ്രോക്കോളി, പച്ച ഇലക്കറികള്‍, അതായത് ചീര, കോളിഫ്‌ളവര്‍, പപ്പായ, ക്യാപ്‌സിക്കം എന്നിവയൊക്കെ കണ്ണുകളുടെ ആരോഗ്യത്തിന് ഗുണകരമായ പച്ചക്കറികളാണ്.
പച്ചക്കറികള്‍ വേവിക്കുമ്പോള്‍ കുറച്ച് വെള്ളം മാത്രം ചേര്‍ത്ത് വേവിക്കണം. കൂടുതല്‍ മസാലകള്‍ ചേര്‍ക്കുന്നത് ഒഴിവാക്കുന്നതും നന്നാവും.
കണ്ണുകളുടെ ആരോഗ്യം നിലനിര്‍ത്തുന്നതിന് പച്ചക്കറികള്‍ കഴിക്കുന്നതിനൊപ്പം, കൃത്യസമയത്ത് ഉറങ്ങുകയും, കണ്ണിന് വിശ്രമം നല്‍കുകയും, കണ്ണട ഉപയോഗിക്കുന്നവര്‍ അത് പതിവായി ഉപയോഗിക്കാന്‍ ശ്രദ്ധിക്കുകയും ചെയ്യണം.
