കരാറുകാര് അനിശ്ചിതകാല സമരം തുടങ്ങി; സര്ക്കാര് കുടിശിക തീര്ത്തില്ലെങ്കില് റേഷന് വിതരണം മുടങ്ങും
തിരുവനന്തപുരം: സംസ്ഥാനത്ത് റേഷന് വിതരണം ഇന്ന് മുതല് മുടങ്ങും. നൂറുകോടി രൂപ കുടിശികയായതോടെ റേഷന് കടകളില് സാധനങ്ങളെത്തിക്കുന്ന കരാറുകാര് ഇന്ന് മുതല് അനിശ്ചിതകാല സമരം പ്രഖ്യാപിച്ചതോടെയാണ് ഇത്.
ഇന്നലെ കൊച്ചിയില് ചേര്ന്ന ട്രാന്സ്പോര്ട്ടിംഗ് കോണ്ട്രാക്ടേഴ്സ് അസോസിയേഷന് യോഗമാണ് അനിശ്ചിതകാല സമരം പ്രഖ്യാപിച്ചത്. എഫ് സി ഐ ഗോഡൗണില് നിന്ന് റേഷന് സംഭരണ കേന്ദ്രങ്ങളിലേക്കും അവിടെ നിന്ന് റേഷന് കടകളിലേക്കും ഭക്ഷ്യ ധാന്യങ്ങള് വിതരണത്തിനെത്തിക്കുന്ന കരാറുകാരാണ് സമരം ചെയ്യുന്നത്. കുടിശിക തീര്ത്ത് പണം കിട്ടിയിട്ട് മാത്രമേ ഇനി റേഷന് വിതരണത്തിനുള്ളൂ എന്നാണ് കരാറുകാരുടെ നിലപാട്. സമരം നീണ്ടുപോയാല് റേഷന് കടകളിലെ സ്റ്റോക്ക് തീരുന്നതോടെ സംസ്ഥാനത്തെ റേഷന് മുടങ്ങും.
Comments