കുറഞ്ഞനിരക്കിൽ വൈദ്യുതി ലഭിച്ചുകൊണ്ടിരുന്ന റദ്ദാക്കിയ വൈദ്യുതിക്കരാർ പുനഃസ്ഥാപിച്ചു
തിരുവനന്തപുരം: കരാർ നടപടികളിലെ വീഴ്ചയുടെ പേരിൽ വൈദ്യുതി റെഗുലേറ്ററി കമ്മിഷൻ റദ്ദാക്കിയ നാല് ദീർഘകാല വൈദ്യുതിക്കരാറുകൾ പുനഃസ്ഥാപിക്കാൻ കമ്മിഷൻ ഉത്തരവ്. കുറഞ്ഞ നിരക്കിൽ വൈദ്യുതി ലഭിച്ചുകൊണ്ടിരുന്ന കരാറുകൾ പൊതുതാത്പര്യാർത്ഥം പുനഃസ്ഥാപിക്കണമെന്ന സർക്കാരിന്റെ ആവശ്യം പരിഗണിച്ചാണ് നടപടി. മൂന്നുകമ്പനികളുമായി 25 വർഷത്തേക്കുള്ളതായിരുന്നു നാല് കരാറുകൾ.
കമ്പനികൾ കരാർ പുനഃസ്ഥാപിച്ചാൽ വലിയവിലയ്ക്ക് വൈദ്യുതി വാങ്ങുന്നത് ഒഴിവാക്കാനാകും. കഴിഞ്ഞ മാസങ്ങളിൽ 20 കോടി രൂപവരെ ദിവസം നൽകിയാണ് പുറത്തുനിന്ന് വൈദ്യുതി വാങ്ങിയത്. ഈ സാഹചര്യത്തിലാണ് സർക്കാർ ഇടപെടണമെന്ന് വൈദ്യുതിബോർഡ് ആവശ്യപ്പെട്ടതും ഉത്തരവ് പിൻവലിക്കാൻ അപ്പീൽ നൽകിയതും.
Comments