കുറഞ്ഞനിരക്കിൽ വൈദ്യുതി ലഭിച്ചുകൊണ്ടിരുന്ന റദ്ദാക്കിയ വൈദ്യുതിക്കരാർ പുനഃസ്ഥാപിച്ചു

സംസ്ഥാനത്തിന് വൈദ്യുതി നൽകുന്നത് എത്രയും വേഗം പുനഃസ്ഥാപിക്കാൻ റെഗുലേറ്ററി കമ്മിഷൻ ആവശ്യപ്പെട്ടിട്ടുണ്ട്. കമ്പനികൾ നിർദേശം പാലിക്കുന്നുണ്ടോയെന്നതറിയിക്കാൻ കെ എസ് ഇ ബിക്കും നിർദേശം നൽകി. മുന്നുകമ്പനികളിൽ ജിൻഡാൽ പവർ ലിമിറ്റഡ് 150 മെഗാവാട്ട് വൈദ്യുതി നൽകാൻ തയ്യാറാണെന്ന് തെളിവെടുപ്പുവേളയിൽ കമ്മിഷനെ അറിയിച്ചിരുന്നു. 100 മെഗാവാട്ടിന്റെ കരാറുണ്ടായിരുന്ന ജിൻഡാൽ ഇന്ത്യ തെർമൽ പവർ ലിമിറ്റഡ് വൈദ്യുതി നൽകാനാകില്ലെന്നും അറിയിച്ചു. എൻ ടി പി സിക്കുകീഴിലുള്ള ജാബ്വ പവർ ലിമിറ്റഡ് രണ്ടുകരാറുകളിലൂടെയുള്ള 215 മെഗാവാട്ടിന്റെ വൈദ്യുതി നൽകാൻ തടസ്സമുന്നയിച്ചിട്ടുണ്ടെങ്കിലും സർക്കാർ ഇടപെട്ടാൽ അവർ വൈദ്യുതി നൽകാൻ സാധ്യതയുണ്ടെന്നാണ് വിലയിരുത്തൽ.