ഉള്ളിയേരി എ യു പി സ്കൂൾ അധ്യാപകൻ മുഹമ്മദ് ഷരീഫ് വാഹന അപകടത്തിൽ മരിച്ചു

ഉള്ളിയേരി എ യു പി സ്കൂൾ അധ്യാപകൻ മുഹമ്മദ് ഷരീഫ് അപകടത്തിൽ മരിച്ചു. ബൈക്കില്‍ സഞ്ചരിക്കവെ മരക്കൊമ്പ് പൊട്ടി തലയില്‍ വീണാണ് അധ്യാപകന്‍ മുഹമ്മദ് ഷെരീഫ് മരിച്ചത്.

ഇന്ന് രാവിലെ നന്മണ്ടയിലായിരുന്നു അപകടം. മടവൂര്‍ സ്വദേശിയായ മുഹമ്മദ് ഷെരീഫ് ബൈക്കില്‍ സ്‌കൂളിലേക്ക് വരികയായിരുന്നു. മരക്കൊമ്പ് പൊട്ടി തലയില്‍ വീണ് തലയിലെ ഹെല്‍മറ്റടക്കം തകരുകയും ഗുരുതരമായി പരിക്കേല്‍ക്കുകയുമായിരുന്നു.

ഉടനെ ബാലുശ്ശേരി താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മൃതദേഹം താലൂക്ക് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ബാലുശ്ശേരി പൊലീസ് സ്ഥലത്തെത്തി നടപടിക്രമങ്ങള്‍ ആരംഭിച്ചിട്ടുണ്ട്.