ഓണം പ്രതീക്ഷകളുടെ നറുനിലാവ് എന്ന പേരിൽ എഫ് എസ് ഇ ടി ഒ നേതൃത്വത്തിൽ കൊയിലാണ്ടി മേഖലയിൽ ജീവനക്കാരുടെയും അധ്യാപകരുടെയും കുടുംബ സംഗമങ്ങൾ നടത്തി

ഓണം പ്രതീക്ഷകളുടെ നറുനിലാവ് എന്ന പേരിൽ എഫ് എസ് ഇ ടി ഒ നേതൃത്വത്തിൽ കൊയിലാണ്ടി മേഖലയിൽ ജീവനക്കാരുടെയും അധ്യാപകരുടെയും കുടുംബ സംഗമങ്ങൾ നടത്തി. ചെങ്ങോടുകാവ് കുടുംബ സംഗമം സൈമ ലൈബ്രറി ഹാളിൽ പഞ്ചായത്ത് സ്റ്റാന്റിങ്ങ് കമ്മിറ്റി ചെയർമാൻ കെ ബേബി സുന്ദർരാജ് ഉദ്ഘാടനം ചെയ്തു. സെക്രട്ടറി വി വിനീജ സ്വാഗതം പറഞ്ഞു. പ്രസിഡന്റ് ജി ആർ സജിത്ത് അധ്യക്ഷനായി. എഫ് എസ് ഇ ടി ഒ താലൂക്ക് സെക്രട്ടറി എം പി ജിതേഷ് ശ്രീധർ, കെ എസ് ടി എ സബ് ജില്ലാ സെക്രട്ടറി ഡോ. പി കെ ഷാജി എന്നിവർ സംസാരിച്ചു. കൊല്ലം കുടുംബ സംഗമം പുളിയഞ്ചേരി എൽ പി സ്കൂളിൽ കവി മോഹനൻ നടുവത്തൂർ ഉദ്ഘാടനം ചെയ്തു. സെക്രട്ടറി കെ മിനി സ്വാഗതം പറഞ്ഞു. പ്രസിഡന്റ് എൻ കെ രാജഗോപാലൻ അധ്യക്ഷനായി.