കൊയിലാണ്ടിയിൽ 12 വയസ്സുകാരനെ കാണാതായി. കൊയിലാണ്ടി കസ്റ്റംസ് ലിങ്ക് റോഡിൽ മൊടവൻ വളപ്പിൽ, മുജീബിന്റെ മകൻ റഷ്മിൽ (12) നെയാണ് കാണാതായിരിക്കുന്നത് . സംഭവവുമായി ബന്ധപ്പെട്ട് കൊയിലാണ്ടി പോലീസിൽ പരാതി നൽകിയിട്ടുണ്ട്. വ്യാഴാഴ്ച വൈകീട്ട് 6 മണിവരെ വീട്ടിനടുത്ത് കളിച്ചുകൊണ്ടിരുന്നതായി സമീപത്തുള്ളവർ പറയുന്നു. നാട്ടുകാർ വിവിധയിടങ്ങളിൽപരിശോധന നടത്തി. സി.സി.ടി.വി.ദൃശ്യങ്ങളിൽ 8.30 ന് റഷ്മിൽ നടന്നുപോകുന്നത് കാണുന്നതായി പോലീസ് പറഞ്ഞു. കുട്ടിയെപ്പറ്റി എന്തെങ്കിലും സൂചന കിട്ടുന്നവർ കൊയിലാണ്ടി പോലീസ് സ്‌റ്റേഷനിലെ (0496 2620235), നമ്പറിലോ 9656337445, 9895781178 എന്ന നമ്പറിലോ അറിയിക്കണമെന്ന് പോലീസ് അറിയിച്ചു.
Comments
