കൊണ്ടം വള്ളി പാടശേഖരത്ത് ഞാറ് നട്ടു
കൊയിലാണ്ടി: ചെങ്ങോട്ടുകാവ് ഗ്രാമപഞ്ചായത്ത് തരിശ് രഹിതമാക്കുന്നതിന്റെ ഭാഗമായി കൊണ്ടം വള്ളി പാടശേഖരത്ത് ഞാറ് നടല്‍. ബ്ലോക്ക് പഞ്ചായത്ത് പ്രസിഡന്റ് കെ.യം ശോഭ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കൂമുള്ളി കരുണാകരന്‍ അദ്യക്ഷത വഹിച്ചു. ചടങ്ങില്‍ വികസന സ്റ്റാന്റിങ്ങ് കമ്മറ്റി ചെയര്‍മാന്‍ ശശിധരന്‍ വി.കെ സ്വാഗതവും മെമ്പര്‍ പുഷ്പ കുറുവണ്ണാരി, കൃഷി ഓഫീസര്‍ വിദ്യാ ബാബു സംസാരിച്ചു. മേലൂര്‍ എല്‍.പി. സ്‌കൂളിലെ വിദ്യാര്‍ത്ഥികളും അദ്ധ്യാപകരും കൊണ്ടം വള്ളി പാടശേഖര പ്രതിനിധികളും നിരവധി നാട്ടുകാരും കര്‍ഷക തൊഴിലാളികളും പങ്കെടുത്തു. പഞ്ചായത്തില്‍ തരിശായി കിടക്കുന്ന ഭൂമി കണ്ടെത്തി ഭൂഉടമകളെ യോഗം വിളിച്ച് നെല്‍കൃഷി നടത്തുകയും വിദ്യാര്‍ത്ഥികളില്‍ കാര്‍ഷിക മേഖലയെ കുറിച്ച് അറിവ് എത്തിക്കുക എന്ന ലക്ഷ്യവും മുന്നില്‍ കണ്ടാണ് ഗ്രാമപഞ്ചായത്ത് ഇത്തരം സംരഭത്തിന് ഇറങ്ങി തിരിക്കുന്നത്.