കൊയിലാണ്ടി: സ്പോട്സ് കൗൺസിൽ സ്റ്റേഡിയം നവീകരിക്കണമെന്ന് എ ഐ വൈ എഫ് കൊയിലാണ്ടി മണ്ഡലം പ്രസിഡണ്ട് സുമേഷ് ഡി ഭഗത് സെക്രട്ടറി എ ടി വിനീഷ് എന്നിവർ ഒരു പ്രസ്താവനയിലൂടെ ആവശ്യപ്പെട്ടു. സ്പോട്സ് കൗൺസിലിൻ്റെ കൈവശമുള്ള സ്റ്റേഡിയത്തിൻ്റെ കാലാവധി 2023 മാർച്ചിൽ അവസാനിക്കുകയാണ്. ഒരു മഴ പെയ്യുമ്പോഴേക്കും മൈതാനം വെള്ളത്തിൽ മുങ്ങും. സ്റ്റേഡിയത്തിലെ ലൈറ്റുകൾ തകരാറായിട്ട് വർഷങ്ങളായി. ഗേറ്റുകളും ഗ്രില്ലുകളും തുരുമ്പെടുത്തു നശിക്കുകയാണ്. ഗ്രൗണ്ടിൻ്റെ പരിപാലനത്തിന് നിലവിൽ ആളില്ല. ഓവുചാൽ അടഞ്ഞുകിടക്കുന്നു. സ്റ്റേഡിയം നഗരസഭ ഏറ്റെടുക്കണമെന്ന ആവശ്യം ശക്തമാണെന്നും അവർ പ്രസ്താവനയിൽ ചൂണ്ടിക്കാട്ടി.
Comments
