ദേ​ശീ​യ​പാ​ത​യി​ൽ നി​ർ​ത്തി​യി​ടു​ന്ന വാ​ഹ​ന​ങ്ങ​ളിലെ ഡ്രൈ​വ​ർ​മാ​രെ ഭീ​ഷ​ണി​പ്പെ​ടു​ത്തി പ​ണ​വും മ​റ്റും കൊ​ള്ള​യ​ടി​ക്കു​ന്ന സം​ഘ​ത്തി​ലെ മു​ഖ്യ​പ്ര​തി അ​റ​സ്റ്റി​ൽ

വ​ട​ക​ര: ദേ​ശീ​യ​പാ​ത​യി​ൽ നി​ർ​ത്തി​യി​ടു​ന്ന വാ​ഹ​ന​ങ്ങ​ൾ കേ​ന്ദ്രീ​ക​രി​ച്ച് ക​വ​ർ​ച്ച ന​ട​ത്തു​ന്ന സം​ഘ​ത്തി​ലെ മു​ഖ്യ​പ്ര​തി അ​റ​സ്റ്റി​ൽ. രാ​ത്രി​കാ​ല​ങ്ങ​ളി​ൽ പാ​ർ​ക്ക് ചെ​യ്യു​ന്ന നാ​ഷ​ന​ൽ പെ​ർ​മി​റ്റ് ലോ​റി ഡ്രൈ​വ​ർ​മാ​രെ ഭീ​ഷ​ണി​പ്പെ​ടു​ത്തി പ​ണ​വും മ​റ്റും കൊ​ള്ള​യ​ടി​ക്കു​ന്ന സം​ഘ​ത്തി​ലെ പ്ര​തി അ​ഴി​യൂ​ർ കോ​റോ​ത്ത് റോ​ഡി​ൽ മൊ​യി​ലാ​ർ പ​റ​മ്പ​ത്ത് താ​മ​സി​ക്കും വ​ട​ക​ര താ​ഴെ അ​ങ്ങാ​ടി ആ​ടു​മു​ക്ക് സ്വ​ദേ​ശി കൊ​യി​ലോ​റേ​മ്മ​ൽ ല​ത്തീ​ഫി​നെ​യാ​ണ് (35) പ്ര​ത്യേ​ക അ​ന്വേ​ഷ​ണ സം​ഘം അ​റ​സ്റ്റ് ചെ​യ്ത​ത്.

ഇ​ക്ക​ഴി​ഞ്ഞ 11ന് ​ശി​വ​കാ​ശി​യി​ൽ​നി​ന്നും എ​ത്തി​യ ലോ​റി വ​ട​ക​ര കൃ​ഷ്ണ കൃ​പ ക​ല്യാ​ണ മ​ണ്ഡ​പ​ത്തി​ന് മു​ൻ​വ​ശം നി​ർ​ത്തി​യി​ട്ട് ഉ​റ​ങ്ങു​ക​യാ​യി​രു​ന്ന ഡ്രൈ​വ​ർ ദാ​മോ​ദ​ർ ക​ണ്ണ​ൻ പു​ല​ർ​ച്ച​യോ​ടെ പു​റ​ത്തി​റ​ങ്ങി​യ​പ്പോ​ൾ ഇ​യാ​ളെ ഭീ​ഷ​ണി​പ്പെ​ടു​ത്തി 13,000 രൂ​പ​യും ര​ണ്ട് മൊ​ബൈ​ൽ ഫോ​ണു​ക​ളും ക​വ​ർ​ച്ച ന​ട​ത്തി ബൈ​ക്കി​ൽ ര​ക്ഷ​പ്പെ​ടു​ക​യാ​യി​രു​ന്നു. ബൈ​ക്കി​ലു​ണ്ടാ​യി​രു​ന്ന കൂ​ട്ടു​പ്ര​തി​യെ ക​ണ്ടെ​ത്താ​ൻ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്.

നി​ര​വ​ധി മോ​ഷ​ണ​ക്കേ​സു​ക​ളി​ൽ പ്ര​തി​യാ​ണ് ഇ​യാ​ളെ​ന്ന് പൊ​ലീ​സ് പ​റ​ഞ്ഞു. പ്ര​തി​യെ ശ​നി​യാ​ഴ്ച കോ​ട​തി​യി​ൽ ഹാ​ജ​രാ​ക്കും. സി ​ഐ പി ​എം  മ​നോ​ജ്, എ​സ് ​ഐ സ​ജീ​ഷ്, യു​സ​ഫ്, എ ​എ​സ് ​ഐ കെ ​പി  രാ​ജീ​വ​ൻ, സീ​നി​യ​ർ സി ​പി ​ഒ വി ​വി  ഷാ​ജി എ​ന്നി​വ​രാ​ണ് അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്ന​ത്.