പതിനാറ് വയസ്സുകാരന് വാഹനം നൽകിയതിന് 25,200 രൂപ പിഴ
16 വയസ്സുകാരന് വാഹനമോടിക്കാൻ നൽകിയതിന് ടൗൺ പൊലീസെടുത്ത കേസിൽ 25,200 രൂപ പിഴ. പുഴക്കാട്ടിരി പഴവക്കൽ എടത്തടത്തിൽ മുഹമ്മദ് ഷിബിലിക്കാണ് 25,200 രൂപ പിഴയും കോടതി പിരിയുംവരെ തടവും ശിക്ഷ വിധിച്ചത്.പിഴയടച്ചില്ലെങ്കിൽ 10 ദിവസം തടവനുഭവിക്കണമെന്ന് ഒന്നാം ജുഡീഷ്യൽ ഫസ്റ്റ് ക്ലാസ് കോടതി വിധിയിൽ പറഞ്ഞു.
2022 സെപ്റ്റംബർ 19ന് ഉച്ചക്ക് 12.45ഓടെ കോഴിക്കോട് ബീച്ച് റോഡിൽ ഗാന്ധിറോഡ് ഭാഗത്തേക്ക് ഹെൽമെറ്റ് ഇടാതെ യാത്രചെയ്ത വിദ്യാർഥിയെ ടൗൺ പൊലീസ് പിടികൂടുകയായിരുന്നു. തുടർന്ന് ഓടിക്കാൻ കൊടുത്തയാൾക്കെതിരെ പോലീസ് കേസെടുത്തു. പ്രതി കുറ്റം സമ്മതിച്ചതിനെ തുടർന്നാണ് പിഴ നടപടി.
Comments