സർക്കാർ ഹോട്ട്സ്പോട്ടിൽ ഉൾപ്പെടുത്തിയ കാപ്പാട് പ്രദേശം എൻ സി സി ആർ സന്ദർശിച്ചു

കേരളത്തിൽ കടലാക്രമണ ഭീഷണി നേരിടുന്ന തീരങ്ങളിൽ, സർക്കാർ ഹോട്ട്സ്പോട്ടിൽ ഉൾപ്പെടുത്തിയ കാപ്പാട് പ്രദേശം നാഷണൽ സെന്റർ ഫോർ കോസ്റ്റൽ റിസർച്ച് (എൻ സി സി ആർ ) സന്ദർശിച്ചു . കേരളത്തിൽ 10 ഹോട്ട് സ്പോട്ടുകൾ ഉൾപ്പെടെ കടലാക്രമണ ഭീഷണി നേരിടുന്ന പ്രദേശങ്ങളിൽ സർവ്വേ നടത്തുന്നതിനായി സർക്കാർ എൻ സി സി ആർ നെയാണ് ചുമതലപ്പെടുത്തിയത് .

വിശദമായ സർവ്വേയ്ക്ക് മുന്നോടിയായാണ് കാപ്പാട് പ്രദേശത്ത് സന്ദർശനം നടത്തിയത് . കാപ്പാടിന്റെ പ്രാധാന്യം കണക്കിലെടുത്ത് ഉടൻ തന്നെ തീരസംരക്ഷണത്തിനാവശ്യമായ നടപടികൾ ആരംഭിക്കുമെന്ന് എം എൽ എ കാനത്തിൽ ജമീലയുടെ സബ്മിഷന് മറുപടിയായി ജലവിഭവ വകുപ്പ്മന്ത്രി നിയമസഭയിൽ ഉറപ്പ് നൽകിയിരുന്നു .