വാക്സിനേഷൻ ലക്ഷ്യം കൈവരിച്ച ആദ്യ ജില്ല – വയനാട്
വയനാട് ജില്ലയില് 18 വയസിന് മുകളില് പ്രായമുള്ളവരില് ലക്ഷ്യം വച്ച മുഴുവന് പേര്ക്കും ആദ്യ ഡോസ് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. വാക്സിനേഷന് യജ്ഞത്തില് ലക്ഷ്യം കൈവരിച്ച ആദ്യ ജില്ലയായി വയനാട് മാറി.
കോവിഡ് പോസിറ്റീവായവര്, ക്വാറന്റൈനിലുള്ളവര്, വാക്സിന് നിഷേധിച്ചവര് എന്നിവരെ ഈ വിഭാഗത്തില് നിന്നും ഒഴിവാക്കിയിട്ടുണ്ട്. 6.16 ലക്ഷം പേര്ക്കാണ് ആദ്യ ഡോസ് വാക്സിന് നല്കിയത്. 2.13 ലക്ഷം പേരാണ് രണ്ടാം ഡോസ് സ്വീകരിച്ചത്.
ആദിവാസി ഊരുകള് കേന്ദ്രീകരിച്ച് മൊബൈല് ടീമുകള് പ്രത്യേക ദൗത്യത്തിലൂടെയാണ് വാക്സിന് നല്കിയത്. കിടപ്പ് രോഗികള്ക്ക് വീടുകളിലെത്തി വാക്സിനേഷന് നല്കി.
Comments