വിദേശ ജോലി വാഗ്ദാനം ചെയ്ത് പണം തട്ടിയ കോഴിക്കോട് സ്വദേശി അറസ്റ്റിൽ
വിദേശ ജോലി വാഗ്ദാനം ചെയ്ത് യുവാവിൽനിന്ന് പണം തട്ടിയ കേസിൽ കോഴിക്കോട് സ്വദേശി അറസ്റ്റിൽ.
കോഴിക്കോട് കാലങ്ങാലി ഭാഗത്ത് പുതുപ്പറമ്പിൽ വീട്ടിൽ ആൽബിൻ ജെയിംസിനെയാണ് (34) കുമരകം പൊലീസ് അറസ്റ്റ് ചെയ്തത്. കാനഡയില് ഡ്രൈവിങ് ജോലി നല്കാമെന്ന് തെറ്റിദ്ധരിപ്പിച്ച് ഇയാൾ കുമ്മനം അറുപറ സ്വദേശിയായ യുവാവിൽ നിന്ന് 2021ലും 2022 ലുമായി മൂന്ന് ലക്ഷത്തിൽ പരം രൂപ പല തവണകളിലായി വാങ്ങി.
തുടർന്ന് യുവാവിന്റെ വിസ ആപ്ലിക്കേഷൻ രേഖകൾ നൽകാതെയും പണം തിരികെ നൽകാതെയും കബളിപ്പിക്കുകയായിരുന്നു. എസ് എച്ച് ഒ ബിൻസ് ജോസഫ്, എസ് ഐ സുരേഷ്, സുനില്, സി പി ഒ ഷൈജു എന്നിവരും അന്വേഷണസംഘത്തില് ഉണ്ടായിരുന്നു. ഇയാളെ കോടതിയില് ഹാജരാക്കി.